ഞാനും നീയും

 

FB Post

Link to the post

നിന്റെ നാലതിര്‍ത്തികള്‍ക്കുള്ളില്‍

ഞാനുണ്ടായിട്ടും

നീയെന്നെ കാണാതിരിക്കുമ്പോഴാണ്

എന്റെയുള്ളില്‍

അഗ്നിപര്‍വതമൌനങ്ങള്‍

രൂപം കൊള്ളുക

പുറത്ത്,

ആകാശച്ചെരുവിലേക്ക്

സങ്കടങ്ങളെ വലിച്ചെറിഞ്ഞിട്ടുണ്ട് ഞാന്‍

കറുത്തിരുണ്ട്, വീര്‍പ്പുമുട്ടി

എല്ലാം പെയ്തു തീരട്ടെ

എന്നിട്ടും ചിലപ്പോഴൊക്കെ

കാറ്റെന്നെ പറ്റിക്കുന്നുണ്ട്

പെയ്തിറങ്ങുന്ന മഴയെ കുറിച്ച്

കേള്‍ക്കാന്‍ നീയില്ലെങ്കില്‍

പിന്നെ മഴയെന്തിനെന്ന്

സങ്കടമേഘങ്ങളെ വകഞ്ഞു മാറ്റി

ഒരു ചോദ്യം എന്നിലുണര്‍ത്തുന്നുണ്ട്

പാടാന്‍,

ഒരു പ്രണയകഥയുമില്ലെനിയ്ക്ക്

എങ്കിലും കേള്‍ക്കാന്‍

നീയടുത്തുണ്ടെന്ന അഹങ്കാരത്തില്‍ 

എനിക്കെന്നെ സ്നേഹിക്കാനാണ്