വേരുകളില്ലാത്ത തുരുത്ത്

 FB Post- 28 June, 2016

Link to the post

ആദര്‍ശങ്ങളുടെ കരയെ

കടലെടുക്കുമ്പോഴാണ്

മനസ്സുകള്‍ തുരുത്തുകളാവുക

വേരുറയ്ക്കാതെ,

മണ്ണിനെ നിഷേധിച്ച്

ഒഴുകുന്നതിന്റെ സ്വാതന്ത്ര്യമറിയുക

യുക്തിയും അയുക്തിയും

വികാരങ്ങളും

പതഞ്ഞു തീര്‍ക്കുന്ന അലകളില്‍

ആടിയുലഞ്ഞൊഴുകുമ്പോഴൊരു

കര കണ്ടേക്കാം .

അടിയുറച്ച

ആദര്‍ശങ്ങളുടെ

ജഡത്വം പേറുന്ന കര

അവിടെ,

സ്വപ്നങ്ങളുടെ വിത്ത് പാകണം.

നോക്കുകുത്തികളുടെ,

ഓരം ചേര്‍ക്കപ്പെട്ടവരുടെ

നിറവും മണവുമുള്ള സ്വപ്നങ്ങള്‍

അവയില്‍ നിന്ന്

പടര്‍ന്നുണരുന്ന മഴവില്‍ നിറങ്ങള്‍

സ്വപ്നനാരുകളിലൂടെ

ആകാശം തൊടുമ്പോള്‍,

വീണ്ടും

തുരുത്താകണം

വേരുറയ്ക്കേണ്ടാത്ത

അനുഭവങ്ങളുടെ തുരുത്ത്