FB Post- 25 March, 2015
നിശ്ചലതടാകം പോലെയായിരുന്നു
മനസ്സ്,
ഓര്മ്മകളുടെ അടിത്തട്ടു വരെ
തെളിഞ്ഞ കാഴ്ച
എതോര്മ്മയിലേക്കാണ് ഒരു കല്ല്
വീണത്?
തടാകത്തെ അലകളൊഴിയാത്ത
കടലാക്കിയത്?
അടര്ന്നടര്ന്നു വീണ്
ഒഴുകിയകലാതെ തീരത്തണയാതെ,
ഉള്ത്താപത്തിന്
അലകള് തീര്ത്ത കടലായത്?
ഇനി,
ഒഴുക്കില് ഒരില പോല്
ആടിയുലഞ്ഞ്
താപമൊഴിഞ്ഞാഴിയെ
വെടിഞ്ഞ്
തെളിഞ്ഞുണര്ന്ന്
തീരത്തണയാന്
വിട്ടൊഴിഞ്ഞിരിക്കയാ-
ണൊട്ടു ഞാനെന് ചിന്തകളെ
No comments:
അഭിപ്രായം എഴുതാം