മൌനം മണക്കുന്ന
മനസ്സാഴങ്ങളില്
മഴയാവാന് കാക്കുന്ന
വാക്കുകളുണ്ട്
അര്ഥശൂന്യതയുടെ
പേരുദോഷം കോറി
ഇരുള്കയങ്ങളില് ഇട്ടു
കൂട്ടി വച്ച മോഹവാക്കുകള്
എല്ലാം പറഞ്ഞു
മതിവരണമെനിക്ക്
നീ,
ഈ മരച്ചുവട്ടില്
ഒന്ന് നിന്നേക്കണം ,
പറയുന്നതിലെ പതിര്
പെറുക്കാതെ,
ഉണ്മയെ താങ്ങാതെ
വെറുതെയങ്ങ് കേട്ടാല് മതി,
പറഞ്ഞു തീരാന്
നടന്നു തീര്ക്കുന്ന
വഴികളില് കൂട്ടെന്ന്
തോന്നിപ്പിച്ചാല് മതി
ജീവിതം, അതാ, ആ
ഇടവഴിയറ്റം വരേയുള്ളൂ
ഒന്നുകൂടി,
പെയ്തൊഴിയുമ്പോള്,
പതിഞ്ഞ വാക്കുകള്
കൊണ്ടൊന്നു തൊട്ടേക്കണം
ഇടവഴിയറ്റം എത്തിയാല്
പിരിയാനുള്ളതെന്ന്
ഇടര്ച്ച കൂടാതെ പറയണം
എന്നിട്ട്
ഓര്മ്മത്തുള്ളികള് ഒട്ടിപ്പിടിച്ച
ആ മരമൊന്നു കുടയണം
തെറിച്ചു വീഴുന്ന തുള്ളികളില്
മനസ്സിലെ ഉണര്വിന്റെ
പുതുമണത്തില്
ഒഴുകിയെത്താനുള്ളതേയുള്ളൂ
ഇടവഴിയറ്റത്തേയ്ക്ക്
മൌനം മണക്കുന്ന
ReplyDeleteമനസ്സാഴങ്ങളില്
മഴയാവാന് കാക്കുന്ന
വാക്കുകളുണ്ട്.... ഇഷ്ടായി ഒരുപാടൊരുപാട്
ഓർമ്മത്തുള്ളികൾ പൊഴിയുന്ന ഒരു മരം!!
ReplyDeleteനല്ല കല്പന
നന്ദി ഈ പ്രോത്സാഹജനകമായ വാക്കുകള്ക്ക് Mubi, Ajith..
ReplyDeleteGood poem Sudha.
ReplyDeletethank you Kuyils
ReplyDeleteസുധ,ഇത്ര നാൾ ഒരേ ചുറ്റുമതിലിനുള്ളിൽ ഇടനാഴികളിൽ കണ്ടും കാണാതെയും കൂടെയുണ്ടായിട്ടും അറിയാതെ പോയല്ലോ. വൈകി ആണെങ്കിലും കിട്ടിയ ഈ വാക്ക് ഊട്ടിനു നന്ദി. ധാരാളം എഴുതാൻ ആവട്ടെ.
ReplyDelete